Ironia e kryeministrit Edi Rama ndaj ish-presidentit amerikan Donald Trump gjatë samitit të Komunitetit Politik Evropian në Kopenhagë ka marrë vëmendjen e mediave britanike.
Gazeta prestigjioze “The Telegraph” shkruan se Rama, presidenti francez Emmanuel Macron dhe ai i Azerbajxhanit Ilham Aliyev janë filmuar duke bërë shaka me gafat e Trump, i cili në disa raste ka ngatërruar Shqipërinë me Armeninë.
Gjatë takimit, Rama iu afrua Macron-it dhe Aliyev-it me një ton ironik, duke thënë:
“Duhet të na kërkoni falje… që nuk na përgëzuat për marrëveshjen e paqes që bëri Presidenti Trump mes Shqipërisë dhe Azerbajxhanit.”
Deklarata e Ramës shkaktoi të qeshura mes të pranishmëve. Macron u përgjigj me një buzëqeshje të sikletshme:
“Më vjen keq për këtë.”
Në gusht, Trump kishte ndërmjetësuar një marrëveshje paqeje mes Armenisë dhe Azerbajxhanit, por që nga ajo kohë ai vazhdon të ngatërrojë emrat e dy vendeve, ndoshta për shkak të ngjashmërisë në anglisht.
Në një intervistë për “Fox News”, Trump deklaroi gabimisht:
“Zgjidhëm një luftë që ishte e pazgjidhshme. Shqipëria dhe Azerbajxhani, kishte vite që zgjaste.”
Në një tjetër rast, gjatë një konference për shtyp, ai i quajti vendet “Aber-bajxhan dhe Shqipëri”.
Albanian PM Rama to Macron in Aliyev's presence:
"You didn't congratulate us for the peace deal that President Trump made between Albania and Azerbaijan" https://t.co/4ZBbs1lcVa pic.twitter.com/Eii6ek5XjW— Hov Nazaretyan (@HovhanNaz) October 2, 2025