Një tërmet me magnitudë 6.9 ballë ka goditur Filipinet, njoftoi Shërbimi Gjeologjik i Shteteve të Bashkuara (USGS). Lëkundjet u regjistruan në orën 21:59, sipas kohës lokale, rreth 7 milje në juglindje të Calape.
Sizmologët po shqyrtojnë të dhënat, ndërsa autoritetet lokale kanë paralajmëruar për rrezik potencial për cunam në zonat e prekura.
Sipas raportimeve të The New York Times, pritet të ndodhin edhe pasgoditje, të cilat zakonisht janë tërmete më të vegjël që ndodhin pas një lëkundjeje kryesore në të njëjtën zonë. Këto pasgoditje mund të ndodhin ditë, javë ose edhe vite pas tërmetit fillestar dhe në raste të rralla mund të jenë me magnitudë të barabartë ose më të madhe, duke rritur rrezikun për zonat tashmë të dëmtuara.
Autoritetet po monitorojnë situatën dhe këshillojnë banorët të qëndrojnë të sigurt dhe të ndjekin udhëzimet e emergjencës.