Ditën e sotme babai i 17-vjeçarit që u plagos dje në Sarandë, në një deklaratë për mediat ka hedhur dyshime se djali i tij u plagos dhe nga një person i dytë.
Gjatë fjalës së tij ai u shpreh se nëse djali i tij e ka fajin, policia duhet të marrë masat. Ndërsa zbulon se gjendja e 17-vjeçarit mbetet rëndë.
“Nëse e ka fajin djali im, ta marrë masat policia, gjykata e Prokuroria. Unë dua të kapet autori i dytë se i ka bërë presion djalit. I kam thënë policisë së Vlorës që të kapet autori i dytë se e ka goditur djalin më 22 Mars. Ai ka qenë 100 përqind për dje. Unë dua të kapet autori i dytë. Gjendja e djalit është keq për momentin. Nëse nuk i merr policia masat, unë me personin do t’i marr masat drejtpërdrejt. Kam 4 fëmijë, i kam rritur me halle dhe nuk m’i vrasin dot drogaxhinjtë e Sarandës. Më rrinë me thika, doreza dhe leva në dorë”, është shprehur ai.
Më tej babai i të plagosuri shpjegon se sherri mes adoleshentëve ka ndodhur që më 22 mars, ku e kanë marrë shokët e tij në celular dhe më pas kishte përfunduar në polici, por nuk tregonte asgjë pasi sipas tij, i kanë bërë presion.
“Sherri ka ndodhur në datën 22 mars. E marrin shokët e tij. Pas një ore marr vesh që djali është në polici. Nuk thotë të vërtetën se ata i kishin bërë presion. Nëse thua të vërtetën, do të të vrasim byrazerin dhe motrën. Njëri nga ata e ka goditur me levë, tjetri që është brenda e godiste me thikë. Mbrëmë i kam marrë vesh këto gjëra. Kur më marrin dje, shkoj prapë dhe më thonë se djali është keq. Shikoj policinë në spital, e kishin kapur autorin. Me djalin njiheshin se janë afër me njëri-tjetrin. Nuk e di për çfarë janë zënë“, ka thënë ndër të tjera i ati.
Kujtojmë se ngjarja u njoftua ditën e djeshme, ku një 17-vjeçar plagosi bashkëmoshatarin tij, për motive ende të paqarta.
Nga ana tjetër policia po vijon punën për zbardhjen e plotë të ngjarjes.