Një festë ditëlindjeje në qendër të Los Angeles është kthyer në skenë tragjedie, pasi dy persona u vranë dhe gjashtë të tjerë mbetën të plagosur nga të shtënat me armë zjarri.
Ngjarja ndodhi pranë një depoje, ku po mbahej një “street party” me rreth 60 persona. Policia dyshon se të shtënat kanë lidhje me aktivitetin e bandave kriminale në zonë.
Dëshmitarë thanë se të shtënat erdhën nga një makinë e kuqe në lëvizje, por kjo nuk është konfirmuar ende zyrtarisht. Nuk ka persona të arrestuar deri tani.
Oficerët e LAPD ndodhen në vendngjarje dhe po hetojnë për zbardhjen e plotë të rrethanave.