Një ngjarje e rëndë ka ndodhur para pak çastesh në qytetin e Klinës në Kosovë, ku një person ka humbur jetën dhe një tjetër ka mbetur i plagosur si pasojë e të shtënave me armë.
Lajmi i papritur u njoftua nga zëdhënësi i policisë, Fadil Gashi.
Gashi ka deklaruar se policia u njoftua rreth orës 17:15 për të shtëna me armë zjarri në sheshin “Mujë Krasniqi”, brenda një lokali të qytetit.
“Gjatë operacionit, mjeku kujdestar ka konstatuar se një person është pa shenja jete, ndërsa një tjetër është dërguar menjëherë në emergjencë për trajtim të mëtejshëm,” tha Gashi.
Në vendngjarje kanë mbërritur menjëherë organet kompetente, përfshirë policinë dhe ekipet e emergjencës mjekësore.