AUSTRI– Një ngjarje tragjike ka ndodhur mëngjesin e kësaj të diele në qytetin Traiskirchen, rreth 32 kilometra në jug të Vjenës, kur një shtetas qëlloi me armë duke vrarë një person dhe duke plagosur rëndë një grua, përpara se t’i merrte jetën vetes.
Bazuar në deklaratat e policisë austriake, i dyshuari iku me një automjet pas incidentit të përgjakshëm, por më vonë u gjet i vdekur në një vresht aty pranë. Besohet se ai kreu vetëvrasje. Gruaja u transportua me helikopter emergjence në një spital në Vjenë , ndërsa Zyra e Hetimit Penal të shtetit të Austrisë së Poshtme ka marrë përsipër hetimin e rastit, pa u bërë ende publike detaje të mëtejshme.
Ndërsa mediat vendase raportojnë se të shtënave u paraprinë nga një debat i ashpër midis tre personave të përfshirë. Autori i dyshuar, një shtetas austriak 67-vjeçar, thuhet se ishte me leje nga burgu dhe posedonte në mënyrë të paligjshme armën e përdorur në krim, sipas gazetës Kronen Zeitung./Radar.al