Erling Haaland ishte një nga protagonistët jo vetëm në fushë, por edhe pas ndeshjes së fituar nga Norvegjia ndaj Brazilit, sukses që i siguroi kombëtares norvegjeze një vend në çerekfinale.
Pas përfundimit të takimit, sulmuesi norvegjez u vizitua në dhomat e zhveshjes nga Princesha Ingrid Alexandra dhe vëllai i saj, Princi Sverre Magnus, të cilët përfaqësonin familjen mbretërore norvegjeze në Shtetet e Bashkuara.
Haaland i priti me një atmosferë miqësore, duke përshëndetur princeshën me një shtrëngim duarsh, një përqafim dhe disa batuta, ndërsa pamjet e momentit u publikuan në rrjetet sociale dhe u shpërndanë gjerësisht nga tifozët.
Princess Ingrid Alexandra, who will be Queen of Norway in the future meets with Erling Haaland after Norway’s win vs Brazil. 🇳🇴 pic.twitter.com/kFMGDkQLvT
— World Cup HQ (@WorldCup26HQ) July 6, 2026
Vizita e dy anëtarëve të familjes mbretërore erdhi pasi nëna e tyre, Princesha e Kurorës Mette-Marit, nuk mundi të udhëtonte për shkak të rikuperimit pas një operacioni në mushkëri.
Ingrid Alexandra është vajza e Princit të Kurorës Haakon dhe konsiderohet trashëgimtarja e fronit, duke qenë mbretëresha e ardhshme e Norvegjisë.
Ashtu si në Mbretërinë e Bashkuar, edhe në Norvegji monarkia ka një rol kryesisht ceremonial, ndërsa kompetencat politike ushtrohen nga institucionet e zgjedhura.