Java e 18-të e Kategorisë Superiore, që shënon edhe mbylljen e kampionatit për vitin 2025, do të zhvillohet gjatë dy ditëve, të martën dhe të mërkurën.
Të martën janë programuar dy përballje kryesore, të dyja në orën 18:00. Teuta do të presë kryesuesen Egnatia në “Niko Dovana”, ndërsa Partizani do të përballet me Dinamo City në “Arena e Demave”.
Të mërkurën do të zhvillohen tre ndeshjet e mbetura. FK Vora do të presë Bylisin në orën 13:30, ndërsa dy përballjet e tjera, Vllaznia – Flamurtari dhe Elbasani – Tirana, do të nisin në orën 16:30 në “Loro Boriçi” dhe “Elbasan Arena”.
Programi i javës së fundit:
Teuta – Egnatia, 23.12.2025, ora 18:00
Partizani – Dinamo City, 23.12.2025, ora 18:00
FK Vora – Bylis, 24.12.2025, ora 13:30
AF Elbasani – Tirana, 24.12.2025, ora 16:30
Vllaznia – Flamurtari, 24.12.2025, ora 16:30