SHBA– Artistja e mirënjohur Rihanna është larguar përkohësisht nga Los Angeles pas ndodhisë së fundit ku u sulmua me armë zjarri pranë rezidencës së saj.
Bazuar në atë që raportojnë mediat ndërkombëtare, incidenti ndodhi të dielën, më 8 Mars, kur një e dyshohet e quajtur se qëlloi disa herë drejt shtëpisë së artistes.
Autoritetet kanë arrestuar një grua 35-vjeçare, Ivanna Lisette Ortiz, e cila është akuzuar për tentativë vrasjeje në lidhje me ngjarjen.
Raportohet se e dyshuara ka qëlluar nga automjeti i saj në drejtim të rezidencës së këngëtares fituese të çmimeve Grammy. Sipas hetimeve paraprake, Ortiz kishte shfaqur një sjellje obsesive ndaj artistes edhe më parë përmes postimeve në rrjetet sociale. Në disa prej postimeve të saj online, ajo i ishte drejtuar këngëtares me mesazhe shqetësuese, duke përfshirë edhe deklarata kërcënuese.
Të hënën pasdite, Rihanna u pa duke u larguar nga qyteti me një fluturim nga aeroporti Van Nuys Airport. Fotografitë e publikuara nga mediat tregojnë bagazhet e saj duke u transportuar drejt aeroportit. Ndërkohë, Ivanna Lisette Ortiz ndodhet në paraburgim dhe për të është caktuar një shumë garancie prej 10,225,000 dollarësh, ndërsa hetimet për ngjarjen vijojnë./Radar.al