Pas sulmit të fundjavës, më 13 korrik, që synonte udhëheqjen e grupit militant u vranë shumë palestinezë “në zona të sigurta”.
“Ato momente kur toka u drodh nën këmbët e mia dhe pluhuri dhe rëra u ngritën në qiell dhe pashë trupa të copëtuar – ishte si asgjë që kisha parë në jetën time,” tha Aya Mohammad, 30 vjeç, një shitës tregu në Mawasi.
Në Mawasi, Khan Younis janë strehuar qindra mijëra palestinezë që ikën në zonë pasi Izraeli e shpalli atë zonë të sigurt.
Izraeli tha se sulmi i tij të shtunën kishte në shënjestër komandantin ushtarak të Hamasit, Mohammed Deif.
Zyrtarët palestinezë thonë se të paktën 90 njerëz u vranë të shtunën dhe qindra u plagosën.
Zyrtarët mjekësorë u shprehen se gjetën 10 trupa palestinezësh të vrarë nga zjarri izraelit .
Disa prej tyre tashmë kishin filluar të dekompozoheshin.
Ushtria gjithashtu shtoi granatimet ajrore dhe tanke në Gaza qendrore në kampet historike të refugjatëve Al-Bureij dhe Al-Maghazi.
Pesë palestinezë u vranë në një sulm ajror izraelit në një shtëpi në kampin Maghazi.
Sipas burimeve forcat ajrore goditën dhjetëra objektiva ushtarake palestineze në të gjithë Gazën, duke vrarë shumë persona të armatosur./Reuters