Një stuhi e fuqishme me shi dhe breshër goditi pasditen e sotme zonën e Gramshit, duke shkaktuar dëme të mëdha në bujqësi. Reshjet e dhunshme, që zgjatën rreth 15 minuta, dëmtuan rëndë qindra dynymë me kultura bujqësore në fshatin Kukur dhe zona përreth.
Fermeri Leonard Shuli raportoi përmes një lidhjeje telefonike se parcelat me agrume dhe vreshtat ishin më të goditurat, duke pësuar humbje të konsiderueshme.
Banorët shprehen të tronditur nga dëmet që sjellin stuhitë brenda pak minutash, ndërsa autoritetet ende nuk kanë dhënë të dhëna mbi gjendjen e rrugëve apo për ndihmën e mundshme për fermerët e prekur.