Jasir Asani realizoi një supergol për Esteghlal nga distanca, por nuk u besoi syve pasi goli i tij u anulua për pozicion jashtë loje. Sfida e sotme u luajt kundër Al Husein dhe ishte e vlefshme për fazën 1/8 të Champions-it 2 aziatik. Al Husein ishte me fat në ndeshjen e parë duke fituar 0 me 1.
Asani përshëndeti rrjetën në minutën e 53-të. Një goditje nga distanca që është parë shpesh prej tij të shkojë në rrjetë. Gjyqtari anësor sinjalizoi për pozicion jashtë loje dhe VAR e konfirmoi se Asani ishte më i avancuar kur topi u krosua drejt tij. Fati nuk ishte aspak në anën e Esteghlal, që vetëm dhjetë minuta më vonë iu anulua një tjetër gol për pozicion jashtë loje. Al Husein përfitoi më pas për të kaluar në avantazh.
Asani qëndroi për 89 minuta në fushë. Ndeshja e kthimit do të luhet më 17 shkurt në Jordani. Aty ku do të vendoset për ekipin që kalon në çerekfinale.
Goli i anuluar i Jasir Asanit: (VIDEO)/PANORAMASPORT