SPANJË– Gjykata e Spanjës ka marrë vendimin për të ekstraduar drejt Republikës së Shqipërisë të shumëkërkuarin, nga autoritetet shqiptare, Lulzim Berishën.
Gjykata e ka pranuar kërkesën e Prokurorisë spanjolle për ekstradim. Mësohet se vendimi për ekstradimin e Berishës nga Gjykata Kombëtare e Spanjës është marrë ditët e fundit pas gjyqit të parë që u zhvillua më datë 2 korrik.
I përfaqësuar nga dy avokatë, Lulzim Berisha, një muaj më parë i kërkoi Gjykatës që të mos dorëzohet në Shqipëri, ku sipas tij në vendin tonë i rrezikohet jeta dhe ka frikë nga një hakmarrje.
Nga ajo çfarë deklaron Prokuroria spanjolle Lulzim Berishës i rrezikohet jeta vetëm jashtë burgut, dhe duke ua dorëzuar Lulzim Berishën, autoriteteve shqiptare, ai nuk do të rrezikohet. Lulzim Berisha, ish-kreu i bandës së Durrësit, ka të drejtën për të apeluar vendimin e Gjykatës Kombëtare në Gjykatën e Lartë të Spanjës.