Futbolli botëror ka një “mbret” të ri ekonomik. Formacioni aktual me vlerën më të lartë të tregut tejkalon 1.355 miliardë euro, ndërsa La Liga krenohet me një prani të fortë spanjolle. Sipas të dhënave të fundit të publikuara nga portali i specializuar “Transfermarkt”, katër lojtarë spanjollë shfaqen në këtë përzgjedhje elitare, ndërsa “La Liga” është kampionati më i përfaqësuar, me shtatë futbollistë, katër nga Reali i Madridit dhe tre nga Barcelona.
Lamin Jamal kryeson me 200 milionë euro Në krye të këtij ekipi është Lamin Jamal, anësori i Barcelonës, i cili vetëm në moshën 18 vjeç ka arritur një vlerësim prej 200 milionë eurosh, duke e bërë atë lojtarin më të vlefshëm në botë. Krahas tij në sulm janë dy përfaqësues të tjerë të “La Liga”-s, Vinicius Zhunior (170 milionë euro, Real Madrid) dhe Kilië Mbape (180 milionë euro, Real Madrid), të cilët plotësojnë një vijë sulmi të frikshme, si nga ana sportive, ashtu edhe nga ajo financiare.
Mesfushë “e bërë në Spanjë” Mesfusha ka gjithashtu një vulë spanjolle. Anglezi Xhud Bellingam (180 milionë euro), një lojtar kyç për Real Madridin, vepron si mesfushor sulmues pas Pedrit të Barcelonës (140 milionë euro) dhe Fede Valverdes të Uruguajit (130 milionë euro, Real Madrid). Kjo treshe përfaqëson përsosmërinë teknike dhe fizike të mesfushës së futbollit spanjoll.
Mbrojtje ndërkombëtare, por me shije të Barçës Mbrojtja është i vetmi bllok më pak i ndikuar nga “La Liga”, megjithëse nuk është plotësisht e shkëputur. Pau Kubarsi, qendërmbrojtësi i Barcelonës, vlerësohet me 80 milionë euro. Ai shoqërohet nga Josko Gvardiol (75 milionë euro, Mançester Siti), Alesandro Bastoni (80 milionë euro, Inter) dhe Akraf Hakimi (80 milionë euro, PSG).
Në portë, David Raja si përfaqësuesi spanjoll Njëmbëdhjetëshja titullare kompletohet nga portieri i Arsenalit, David Raja, me vlerë 40 milionë euro. Portieri katalanas është spanjolli i katërt në këtë skuadër “Galacticos”, megjithëse e ndan këtë vlerë me tre portie./PanoramaSport