Hetimet për kryebashkiakun e Tiranës, Erion Veliaj, po marrin përmasa gjithnjë e më të gjera. Burime nga Prokuroria e Posaçme bëjnë me dije se SPAK ka marrë zyrtarisht të pandehur 30 persona, përfshirë ish-deputeten socialiste Klotilda Bushka dhe disa ish-zyrtarë e të afërm të lidhur me rrethin e Veliajt.
Sipas informacioneve, ndaj Bushkës rëndon akuza për “pengim të zbardhjes së së vërtetës”, në kuadër të një dosjeje që lidhet me tendera, favorizime dhe ndërhyrje të dyshuara në procese vendimmarrëse.
Në listën e personave të pandehur përfshihen edhe Adela Kondakçiu dhe Flutur Xhani, apo Valmir Xoxa, daja i bashkëshortes së Veliajt, Ajola Xoxes.
SPAK pritet të bëjë publike më shumë detaje mbi akuzat specifike dhe fazën ku ndodhen hetimet, ndërsa çështja pritet të trazojë më tej skenën politike, veçanërisht në prag të vendimeve të rëndësishme për drejtimin e kryeqytetit.
Ask ChatGPT