TIRANË– Kryeministri Edi Rama ditën e sotme duke komunikuar live me qytetarët në rrjetet sociale ka thënë se sot është bashkëbisedimi i parafundit me komentuesit në rubrikën “Sy m’Sy”.
Duke iu përgjigjur komentuesve, Rama u shpreh se më 16 Maj, në Tiranë mblidhen të gjithë liderët e kontinentit evropian.
Kreu i qeverisë u shpreh se shumica e shqiptarëve e sheh dhe e prek ndryshimin e bërë në Shqipëri, ndërsa tha gjithashtu se ka ende gjëra për tu bërë.
“Sot jemi në “Sy m’sy” e parafundit. Të dielën e qep gojë, pastaj populli shqiptar do të flasë. Në datën 16 maj, të ftoj të shikosh nga Tirana më kë kam mbetur unë. Nën hijen e kalit të heroit tonë kombëtar, të gjithë liderët e kontinentit evropian do të jenë aty. Shqiptarët janë në të drejtën e zotit të ankohen sa ta shohin të nevojshme. Shprehja e pakënaqësisë tregon se ka jo vetëm vend për më shumë por edhe ambicie për më shumë. Unë jam vetë vetë i pakënaqur në shumë gjëra dhe prandaj jam shumë ambicioz për t’i bërë më mirë. Pa diskutim që shqiptarët nuk duan vetëm të vuajnë por shumica e sheh ndryshimin sepse e prek ndryshimin, e ndjen dhe ndjen në radhë të parë atë gjë të madhe që ka ndodhur. Nuk ka ardhur nga qielli por si rezultat i përpjekjes dhe mbështetjes së madhe të shqiptarëve. Që është që shqiptarët sot nuk janë më njerëz që shihen si njerëz pa asnjë vlerë. Nga një vend që nuk gëzonte respekt se vlerësim jo e jo, sot jemi një vend që respektohet që vlerësohet dhe besohet. Dhe sot jemi të ulur në tryezën e marrëveshjes së madhe, të krushqisë me familjen e madhe dhe të bashkuar evropiane. Kështu që shqiptarët janë të qartë, shumica dërrmuese janë të qartë dhe pjesa tjetër kanë nevojë të hapin sytë.”-tha Rama./Radar.al
“Ka dalë njëri që do të na hajë të gjallë”/ Rama ironizon Alizotin: Erdha me shumë frikë këtu
Konflikti për pronat mes 2 familjeve në Has, çifti i bashkëshortëve përfundon në spital
Ardit Beshiri 3 ditë nën dhe, vijojnë kërkimet për 29-vjeçarin nën masivin e kromit