VATIKAN-Përgatitjet për konklavën që do të zgjedhë Papën e 267-të në historinë e Kishës Katolike janë gati. Bëhet me dije se sot në orën 16:30, 133 kardinalët do të mblidhen në Kapelën Sistine për të zgjedhur Papën e ri pas vdekjes së Françeskut dhe, pasi dyert të mbyllen me frazën “extra omnes”, do të fillojë konklava.
Tymi i parë do të dalë në orën 19:00 në Kapelën Sistine. Sot është planifikuar vetëm 1, nga nesër dy në ditë, një në mëngjes, tjetri pasdite, nëse emri i Papës së ri nuk zgjidhet në votimin e parë.
Siç dihet, tymi i zi tregon se shumica nuk është arritur, ndërsa tymi i bardhë tregon se është zgjedhur peshkopi i ri i Romës. Pragu për zgjedhje nuk ka qenë kurrë më i lartë. Kuorumi i dy të tretave është 89 vota. Favoriti, për momentin, është Kardinali Pietro Parolin.
Në fakt, thuhet se ai tashmë mund të mbështetet në një konsensus prej rreth pesëdhjetë votash./Radar.al
“Rama ik”/ Kryeministrit i ndërpresin fjalimin në Krujë: Vdeksha për ty, rrofsh o hudhër
Nën masa të rrepta sigurie, materialet zgjedhore mbërrijnë në Elbasan