Aktorja e njohur kolumbiane, Sofía Vergara, ka festuar 54-vjetorin e lindjes në Itali, duke ndarë me ndjekësit në Instagram momente nga festa e saj luksoze.
Ylli i serialit Modern Family publikoi një fotografi ku shfaqet duke marrë rreze dielli në bordin e një jahti, e veshur me bikini të kuqe, ndërsa postimi u shoqërua me mbishkrimin:
“Jam shumë e lumtur për gjithë dashurinë që mora nga ju dje! Ishte ditëlindja më e bukur ndonjëherë. Faleminderit Itali për 300 tortat! 54 është një numër i bukur!”
Në postimin e saj, Vergara ndau edhe foto e video të tjera nga festimet, ku shihen tavolina të mbushura me ëmbëlsira luksoze dhe disa torta ditëlindjeje, njëra prej të cilave kishte të stampuar portretin e saj. Atmosfera festive vijoi në jaht, ku aktorja festoi së bashku me miqtë e saj.
Një ditë më parë, ajo kishte publikuar një tjetër album fotografik nga pushimet në Itali, ku pozonte me një fustan të gjatë me motive shumëngjyrëshe, ndërsa festimet kishin nisur që të enjten me një drekë luksoze në shoqërinë e miqve, ku tërhoqi vëmendjen me një fustan koral që i vinte në pah linjat.
Sofía Vergara njihet për stilin e saj elegant dhe paraqitjet plot hijeshi. Ngjyra e kuqe duket se mbetet një nga të preferuarat e saj, pasi edhe më herët këtë vit u shfaq me një fustan korsé të kuq gjatë një darke në Miami.
Aktorja është mjaft aktive në rrjetet sociale, ku ndan shpesh momente nga pushimet dhe jeta e saj personale, ndërsa fotografitë me bikini dhe destinacionet luksoze janë ndër postimet që marrin më shumë vëmendje nga miliona ndjekësit e saj.