Vetëm pak orë pasi u shpall i pafajshëm për akuzat e rënda të trafikimit seksual dhe shantazhit, Sean “Diddy” Combs është përfshirë në një tjetër skandal.
Një eskortë mashkull, Clayton Howard, ka ngritur një padi të re ku akuzon Diddy-n dhe ish-partneren e tij, këngëtaren Cassie Ventura, për abuzim seksual të përsëritur gjatë një periudhe 8-vjeçare, duke nisur nga viti 2009.
Howard pretendon se është droguar, dhunuar dhe detyruar të marrë pjesë në akte seksuale poshtëruese, shpesh të filmuara pa pëlqimin e tij. Ai shton se Cassie e infektoi me një sëmundje seksualisht të transmetueshme dhe kreu një abort pa dijeninë e tij.
Në padinë tronditëse, Cassie përshkruhet si bashkëpunëtore aktive dhe jo si viktimë, siç ajo është paraqitur më parë publikisht.
Ndërkohë, Diddy ndodhet në burg që nga shtatori dhe po përballet me një dënim të mundshëm prej 2 deri në 5 vjet. Howard ka publikuar edhe një libër të titulluar “Cassie: Viktima apo bashkë-konspiratorja?”, ku kërkon drejtësi dhe dëmshpërblim financiar.