Një ngjarje e paprecedentë tronditi stadiumin Flamurtari në Vlorë gjatë ndeshjes Flamurtari–Teuta, e vlefshme për javën e 17-të të Abissnet Superiores.
Takimi u ndërpre në minutën e 68-të, pasi disa tifozë kaluan barrierat dhe hynë në fushë, duke sulmuar lojtarët kundërshtarë dhe shkaktuar kaos.
Futbollistët vendas dhe policia ndërhynë për të ndalur përleshjen, por ndeshja u ndërpre dhe vendimi për vazhdimin apo përsëritjen e saj mbetet i pazbuluar, ndërsa ekipet dhe arbitrat u larguan në ambientet e brendshme të stadiumit.