MAQEDONI E VERIUT-Janë zbuluar të tjera detaje lidhur me tragjedinë e Koçanit ku mbetën të vdekur 59 persona dhe u plagosën mbi 150 të tjerë.
Mediat vendase shkruajnë për ngjarjen e rëndë të 16 Marsit se Prokuroria ka refuzuar të përgjigjet nëse në diskotekën “Pulse” ka pasur kamera sigurie natën e tragjedisë nëse apo jo.
Në përgjigjie të mediave Prokuroria ka thënë se në këtë fazë të hetimeve, nuk do të ndajnë detaje të tilla. Ndërkohë raportohet seb ka dyshime se kamera sigurie ka pasur një objekt që ndodhet në afërsi të diskos, i cili ka regjistruar hyrjen e të rinjve aty.
Pamjet e disa prej të pranishmëve të bëra me celular, të cilat u përhapën në rrjetet sociale, tregojnë se në minutat e para të shpërthimit të flakëve, dikush ngjitet mbi skenë me një fikës zjarri, por pa sukses.
Sipas mediave në RMV ai është pronari informal i diskotekës, Dejan Jovanov – Deko. Të paktën dy burime për të paktën dy media pohojnë se fikësi i zjarrit që Jovanov përdori në skenë ishte i papërshtatshëm, dhe se ishte i përshtatshëm për shuarjen e pajisjeve elektrike të ndezura dhe jo për një zjarr të këtyre përmasave./Radar.al