Shuplaka që Jozefin Marku i dha Gjestit në mes të prime-t të “BBVA4”, ende vijon të komentohet në rrjet.
Ndonëse reagimet e shumta kanë qenë të ashpra ndaj Jozit për këtë veprim të cilësuar si të pahijshëm në rrjet, mesa duket ka disa nga ata që e përkrahin ish-konkurrentin e “BBVA4”.
Ilirian Maxhuni, aktivist i njohur nga Kosova, ka komplet një qasje tjetër ndaj kësaj situate.
Maxhuni në një intervistë për Prive shprehet se është kundër dhunës, madje në fillim ishte habitur për dhunën në BBVA, por pasi studio kronologjinë e ngjarjeve mes Gjestit dhe Jozit, doli në konkluzionin se e gjitha kjo ka një prapavijë të madhe.
Për shkak të provokimeve të tij, siç e cilëson aktivisti, e sjelljeve të Gjestit të pamoralshme, Ilirian Maxhuni thotë se ky i fundit e ka merituar shuplakën.
Sa i përket thirrjeve që Jozit t’i ndalohet hyrja në Kosovë, thuhet se këto po bëhen nga eksponentë që i përkasin islamit politik.
Sipas aktivistit me situatën e Jozit po bëhen veprime antikrishtere, antifetare dhe shqiptari po i del kundra “vëllait të tij”. Ndërsa shtoi se këto reagime të ahspra nëpër rrjet janë të politizuara.