ITALI– Policia italiane ka arrestuar një 46-vjeçar shqiptar. Arrestimi i shqiptarit vjen pas ndjekjes së mjetit të shqiptarit i cili tentoi të arratisej nga policia pasi kishte me vete doza droge.
Policia mësohet se sinjalizoi shqiptarin që të ndalonte për të kryer kontrolle në mjeti por 46-vjeçari u largua në tentativë për ti shpëtuar autoriteteve. Pas ndjekjes nga policia dhe kontrolleve në mjet u zbulua nën sediljen e pasagjerit një sasi prej 1 kilogram e 140 gramë kokainë.
Shqiptari ndodhej në mjet edhe me një person tjetër i cili është lënë në arrest shtëpie. Në shtëpinë e të dyve, në veriperëndim të qytetit, u gjetën 1,700 euro në një dyshek, ndërsa në bodrum kishte një zarf prej 20 mijë eurosh. Gjithashtu u gjet edhe një makinë paketimi me vakuum, që me sa duket, është përdorur për paketimin e drogës. Në një makinë tjetër në dispozicion të të dyve, u gjetën edhe 10 gramë kokainë./Radar.al
Rama: Shqipëria mirëpret të hënën Ministerialin e Procesit të Bashkëpunimit në Europën Juglindore
Nesër jeni për plazh? Ja tre këshilla para se të shkoni në det!