ITALI– Një krim i rëndë ka ndodhur në Gemona del Friuli, pranë Udines në verilindje të Italisë, një ngjarje e cila ka tronditur rëndë të gjithë opinionin publik.
Mediat vendase raportojnë se Alessandro Venier, 35 vjeç, dyshohet se është vrarë dhe më pas trupi i tij është copëtuar nga nëna dhe e dashura.
I ndjeri punonte në një pozicion të thjeshtë në një spital lokal dhe u gjet i vdekur në shtëpinë e tij një ditë më parë.
Pjesë të trupit të tij u zbuluan nga policia brenda një koshi plehrash, të mbuluara me gëlqere të pashuar, një përpjekje për të fshehur erën e trupit.
Të dyshuarat për këtë akt makabër janë nëna e tij, Lorena Venier, 61 vjeç, me profesion infermiere, dhe e dashura kolumbiane 30-vjeçare e viktimës. Sipas hetimeve paraprake, ato dyshohet se e kanë droguar Alessandro-n dhe më pas e kanë copëtuar me një sëpatë.
Alessandro jetonte në të njëjtën banesë me partneren dhe vajzën e tyre gjashtëmuajshe. Deri më tani nuk është bërë publik ndonjë motiv i qartë për krimin, raportojnë mediat italiane.