Emiljano Shullazi, emër i njohur i botës së krimit në Shqipëri, raportohet se është sëmurë në qelinë e burgut.
Tre ditë më parë, Shullazi është transferuar me urgjencë, dhe me masa të forta sigurie nga burgu “313” në drejtim të spitalit të burgut.
Atij i janë kryer ekzaminimet e nevojshme nga mjekët, dhe më pas është shoqëruar sërish në ambientet e burgut.
Shullazi u arrestua në vitin 2016 për gjobëvënie ndaj biznesmenëve të njohur në kryeqytet. Por më pas ndaj tij u ngritën të tjera akuza më të rënda si ajo e përfshirjes në vrasjen e biznesmenit Vajdin Lamaj dhe shoferit të tij Artan Arsi.
Ndërsa së fundmi, SPAK e akuzon atë si pjesë e dosjes “Metamorfoza” se së bashku me Ervis Martinin, Mariglen Hakaj dhe Satilijano Bashon, kanë siguruar kushtet për të vrarë Durim Bamin.