Në kuadër të funeralit të Papa Françeskut që mbahet sot në Romë, edhe Shqipëria ka shpallur ditë zie kombëtare.
Kryeministri Edi Rama, përmes një mesazhi në rrjetet sociale, ka nderuar figurën e Atit të Shenjtë, duke e cilësuar atë jo vetëm si një lider shpirtëror të jashtëzakonshëm, por edhe si një mik të madh të Shqipërisë, duke kujtuar vizitën e tij historike në Tiranë.
“Mirëmëngjes dhe duke nderuar në këtë ditë zie kombëtare jo vetëm një Papë të jashtëzakonshëm, por edhe një mik të jashtëzakonshëm të Shqipërisë, Françeskun, Atin e Shenjtë, ju uroj të gjithëve një të shtunë të qetë me familjet tuaja,” shkroi Rama në postimin e tij.