“Ndërsa po shkoja drejt qendrës sportive, për t’u siguruar që nuk kishte më asnjë, shpërtheu një ambulancë dhe pashë një copë llamarine që fluturonte në drejtimin tim. Vinin copa metali, gjëra që digjeshin”.
Ky është rrëfimi i Alessandro Graziani, 28 vjeç, që prej pesë vitesh punon në qendrën sportive Villa De Sanctis, në rrugën Gordiani, në Romë, ku ndodhi shpërthimi që përfshiu edhe një depo ambulancash, ku ndodheshin bombola oksigjeni.
Prioriteti i tij ishin fëmijët, pesë ishin të pranishëm në qendrën verore para se të ndodhte shpërthimi, përveç dy animatorëve dhe një djaloshi që merrej me mirëmbajtjen. Të gjithë u evakuuan në kohë, para shpërthimit. “U shmang një masakër”, përsërit i riu.
“Ndërsa po vrapoja, rashë. Me cepin e syrit pashë llamarinën që po shkonte drejt makinës së forcave të rendit dhe pashë disa persona që ranë përtokë”.
Sa i përket impiantit: “Janë njëzet vite sakrifica, më dhemb zemra”, përfundon ai.