Situata që tronditi Astirin më 9 janar, ku një vajzë e re ngriti alarmin se ishte dhunuar nga disa persona dhe kërkoi ndihmën e policisë e më pas u ngujua brenda një apartamenti ku u shpëtua nga RENEA, po merr përgjigje për pyetjet që janë ngritur.
Burimet thonë se Policia e Tiranës me urdhër të Prokurorisë ka shpallur në kërkim tre persona të dyshuar për ngjarjen.
Ata kanë qenë në banesën e marrë me qira në Astir bashkë me Sajma Qordja dhe dy vajza të tjera mbrëmjen e 8 janarit, ku dyshohet se kanë përdorur drogë.
Burimet thanë se tre djemtë që kishin ftuar tre vajzat janë persona me probleme penale, teksa dyshohet se e kanë sjellë kokainën me të cilën është festuar një natë para ngjarjes. Gjurmët e tyre jane gjetur dhe në armët pistoletë me silenciator të gjetura në banesën ngjitur me atë ku u shpëtua e reja.
Vajza e re Sajma Qordja kishte lidhje me njërin nga djemtë për të cilin babai nuk ishte dakord dhe sipas kamerave ka shkuar në banesën e marrë me qira ku edhe qëndronin zakonisht.
K*kainë dhe armë, misteret e ngjarjes që tronditi zonën e Astirit në Tiranë
Oficerët dyshojnë se për shkak të gjendjes së saj nën ndikimin e alkoolit dhe drogës ” miqtë” duhet ta kenë mbyllur në banesë dhe nuk përjashtohet mundësia që ndaj tyre të ngrihet akuza edhe për heqje të paligjshme të lirisë.