Në emisionin “Me Zemër të Hapur” , në News24 historia që tronditi studion ishte ajo e një familje në Roskovec të Fierit.
Bëhet fjalë për një grua e cila është dhunuar nga kunati i saj para disa ditësh.
Në një lidhje telefonike në studio, ajo na zbulon më shumë detaje në lidhje me ngjarjen.
Gruaja shprehet se aktualisht është shumë e tronditur për gjithçka që kishte ndodhur.
Sipas saj ditën e ngjarjes teksa qëndronte në oborr kunati i është afruar, dhe ka filluar të ofendojë dhe më pas e ka goditur atë në qafë dhe e ka kapur nga fyti.
Djali i saj së bashku me nusen pas ngjarjes e kanë marrë dhe e kanë dërguar në spital.
Ajo shtoi se policia e Roskovecit, e ka akuzuar djalin për dhunën duke e marrë si të pandehur.
”Jam shumë e tronditur. Ditën e ngjarjes po qëndroja në oborr kur ai erdhi më ofendoi dhe më goditi në pjesën e qafës. Pasi u rrëzova nusja dhe djali erdhën të më ndihmonin. Djali erdhi më shoqëroi në spital dhe në komisariat, por u mor si i pandehur nga policia e Roskovecit”, u shpreh ajo.
Më tej ka reaguar edhe bashkëshorti i saj, dhe vëllai i autorit.
Sipas tij së bashku me vëllanë, ata kishin rreth 1 vit që ishin në konflikt për arsye të kanalit të ujit që ishte në oborr.
Ai shtoi se autori ishte ishte një njeri problematik, dhe se djali i tij ndodhet në paraburgim pa të drejtë sepse ai ditën e ngjarjes vetëm e ka shoqëruar nënën e tij.
“Kemi 1 vit që jemi në një konflikt. Ai mbulonte kanalin e ujit afër oborrit, dhe sipas tij është në pronësi të tij. Vëllai im është një njeri problematik. Djali ndodhet në paraburgim pa të drejtë, sepse ai ditën e ngjarjes vetëm e ka shoqëruar nënën e tij, nuk e ka dhunuar”, tregoi ai.