Autoritetet shqiptare konfirmojnë se ka shkuar në 62 numri i pacientëve të prekur nga Ethet Nilit Perëndimor në vend.
Lajmin e dha drejtoresha e ISHP, Eugena Tomina për RTSH-në.
“Aktualisht jemi në nivelin e 62 rasteve të konfirmuara, kemi një shpërndarje gjeografike në disa zona të vendit. Ka raste të shtruara në spital, por duhet të theksohet fakti që ka një bashkëpunim të ngushtë me bashkitë respektive që duhet të kryejnë dezinsektimin në zonat vatra ku janë identifikuar rastet”, tha Tomini
Sipas saj, deri tani, virusi më dominues ka qenë COVID.
“Kemi një luhatje të rasteve nga java në javë të rasteve të konfirmuara me COVID që shkojnë nga niveli i 200 rasteve në 160 në javën e fundit që jemi. Kemi shkuar në javën që ne lamë deri në nivelin e 6 mijë rasteve të infeksioneve respiratorë të sipërme dhe të poshtme. Duhet të theksojmë se nënvariantete e Omicron kanë gjetur një përshtatje tani dhe po perceptohet si një gjendje virale mëse e zakonshme”, theksoi Tomini.