FIER– Policia e Fierit ka vënë në pranga 53-vjeçarin Adriatik Mone, i cili shiste heroinë në doza. Bëhet me dije se Mone u kap në flagrancë duke i shitur doza heroine një personi i cili do të hetohet në gjendje të lirë.
“Blutë” e Fierit kanë raportuar se janë sekuestruar doza heroine, një sasi kanabisi në trajtë çokollate, peshore elektronike, krehër pistolete, që i posedonte 53-vjeçari, dhe shuma parash të dyshuara të përfituara nga veprimtaria e tij kriminale.
NJOFTIMI I POLICISË:
Fier/Vijojnë operacionet për goditjen e veprimtarisë kriminale të shitjes së lëndëve narkotike, në doza. Finalizohet si rezultat i hetimit me metoda proaktive, operacioni policor i koduar “Moment”.
Vihet në pranga një 53-vjeçar që shiste doza Heroine në qytetin e Fierit.
53-vjeçari u kap në flagrancë duke i shitur doza një shtetasi. Procedohet penalisht blerësi. Sekuestrohen doza Heroine, një sasi kanabisi në trajtë çokollate, peshore elektronike, krehër pistolete, që i posedonte 53-vjeçari, dhe shuma parash të dyshuara të përfituara nga veprimtaria e tij kriminale.
Specialistët e Seksionit për Hetimin e Narkotikëve, në bashkëpunim me Seksionin e Forcës së Posaçme Operacionale të DVP Fier, si rezultat i veprimeve hetimore të kryera me metoda proaktive, finalizuan operacionin policor të koduar “Moment”, për goditjen e një rasti të veprimtarisë kriminale të shitjes së drogave të forta.
Gjatë operacionit, në lagjen “Liri Gero”, Fier, shërbimet e Policisë kanë kapur në flagrancë shtetasin A. M., duke i shitur lëndë narkotike Heroinë, në doza, shtetasit F. D.
Gjatë kontrollit fizik ndaj shtetasit A. M. dhe në banesën e tij, shërbimet e Policisë gjetën dhe sekuestruan një sasi lënde të dyshuar narkotike Heroinë të ndarë në doza gati për shitje, një sasi lëndë narkotike Cannabis në trajtë çokollate, një krehër pistolete, 1 peshore elektronike dhe shuma parash të dyshuara të përfituara nga shitja e lëndës narkotike. Gjithashtu, në cilësinë e provës materiale u sekuestrua edhe automjeti që ky shtetas përdorte për këtë veprimtari kriminale.
Në vijim të veprimeve procedurale, u arrestua në flagrancë shtetasi A. M., 53 vjeç, banues në Fier, dhe nisi procedimi penal në gjendje të lirë për shtetasin F. D., 37 vjeç, banues në Patos.
Materialet procedurale iu referuan Prokurorisë pranë Gjykatës së Shkallës së Parë të Juridiksionit të Përgjithshëm Fier, për veprime të mëtejshme.
#angazhimpërkushtimsakrificë️
#tëvendosurkundërkrimit✅
#nëçdoskajtëvendit
#nëshërbimtëqytetarëve️️
#denonconë112 ✅
Goditi me levë në kokë 25-vjeçarin dhe e kan*si me pi*toletë sportive, në pranga dy persona
Michele Morrone i vë “flakën” rrjetit, gjysmë i zhveshur aktori italian tregon trupin me muskujt
Nisën të thyenin gotat/ Arrestohet një nga YouTube-erët më të ndjekur në botë