Këtë të diel, vendi ynë do të ndikohet nga kushte atmosferike kryesisht të paqëndrueshme.
Paraditja do të karakterizohet nga kthjellime dhe alternime vranësirash, ndërsa nga mesdita deri pasdite vonë pritet shtim i vranësirave mesatare deri të dendura.
Reshje shiu me intensitet të ulët do të përfshijnë një pjesë të madhe të territorit, kryesisht në zonat kodrinore e malore. Në intervale të shkurtra kohore, priten shtrëngata të izoluara dhe reshje breshëri në relievet malore.
Era do të fryjë kryesisht nga verilindja–veriperëndimi me shpejtësi mesatare 5 m/s, ndërsa përgjatë vijës bregdetare dhe luginave mund të arrijë deri në 8 m/s.
Valëzimi në det pritet të jetë i ulët, 1-2 ballë.