Një sherr mes disa të rinjve është regjistruar pranë Fakultetit të Ekonomikut në Tiranë. Sipas pamjeve të siguruara, të rinjtë janë përplasur fizikisht me njëri-tjetrin, duke shkaktuar tension dhe panik në zonë.
Ende nuk dihen shkaqet që çuan në këtë konflikt, ndërsa nuk ka informacion nëse ka persona të lënduar. Nuk është bërë e ditur as nëse ka pasur ndërhyrje nga ana e policisë.
Pamjet nga vendngjarja tregojnë momentet e përplasjes mes të rinjve, ndërsa pritet që autoritetet të sqarojnë rrethanat e ngjarjes.