Mot i ashpër ka goditur Italinë, duke shkaktuar përmbytje të rënda në zonën e Vicenzas. Një makinë me dy persona, babë e bir, u përfshi nga përroi Agno pasi një urë u shemb gjatë reshjeve të dendura në Valdagno. Trupi i të atit u gjet në digën Trissino, ndërsa djali mbetet ende i zhdukur.
Përmbytjet dhe stuhitë kanë lënë mbi 6,400 persona pa energji elektrike në Luginën e Aostas, ndërkohë që operacionet e shpëtimit po zhvillohen me vështirësi për shkak të terrenit të vështirë.
Sipas ekspertëve, ngjarjet ekstreme si kjo janë gjithnjë e më të shpeshta për shkak të krizës klimatike. Italia renditet ndër vendet më të prekura në botë nga pasojat e saj.