Numri i të vdekurve nga shembja e një shkolle islame me konvikt në Indonezi është rritur në 45, ndërsa operacionet e kërkim-shpëtimit për të mbijetuarit vazhdojnë, kanë njoftuar punonjësit e emergjencës këtë të diel.
Deri tani, 104 persona janë shpëtuar nga rrënojat, ndërsa të paktën 26 të tjerë konsiderohen të zhdukur. Fillimisht, autoritetet raportuan 37 viktima, por shifra u rrit pas nxjerrjes së trupave të tjerë nga rrënojat.
Ngjarja ndodhi të hënën në një shkollë islame shumëkatëshe me konvikt në Sinduarjo, pranë qytetit të madh të Surabayas, në pjesën lindore të ishullit. Shembja e papritur e ndërtesës ndodhi në momentin kur nxënësit ishin mbledhur për lutjet e pasdites.
Operacionet e kërkim-shpëtimit pritet të zgjasin rreth një javë, sipas praktikës së zakonshme në Indonezi, por autoritetet paralajmërojnë se misioni mund të zgjasë më gjatë nëse ka indikacione për gjetjen e viktimave të tjera.