Shtetet e Bashkuara të Amerikës kanë njoftuar se po mundësojnë udhëtime të sigurta dhe të mbrojtura për sportdashësit ndërkombëtarë që duan të udhëtojnë drejt SHBA-së për Kupën e Botës FIFA 2026.
Përmes një deklarate, autoritetet amerikane theksuan se janë plotësisht të përgatitura për të përpunuar aplikimet për vizat e vizitorëve.
Ambasada e SHBA-së u bën thirrje të gjithë udhëtarëve të huaj që kanë nevojë për vizë amerikane të aplikojnë që tani, për të shmangur vonesat dhe fluksin e pritshëm ndërsa afrohet aktiviteti më i madh futbollistik në botë.
Për më shumë informacion dhe aplikime, qytetarët mund të vizitojnë faqen zyrtare të Ambasadës së SHBA-së.