Një familje shqiptare, që po kalonte pushimet në bregdetin e Malit të Zi, u detyrua të largohet nga plazhi Jaz për shkak të provokimeve të vazhdueshme nga një grup pushuesish serbë.
Pamje të publikuara në rrjetet sociale tregojnë momentet kur pushuesit serbë këndojnë këngë me mesazhe kundër shqiptarëve dhe provokojnë duke varur në çadrën e tyre një peshqir me flamurin serb.
Incidenti filloi pasi pushuesit serbë identifikuan familjen shqiptare nga një peshqir me simbolet e flamurit kuqezi dhe më pas nisën provokimet.
Për të shmangur përshkallëzimin e situatës, familja shqiptare, e cila kishte me vete edhe fëmijë të mitur, vendosi të largohej nga plazhi. Ndërkohë, serbët i filmuan teksa largoheshin dhe postuan videot në rrjetet sociale, duke e cilësuar si një “fitore” largimin e tyre.
Ngjarja ndodhi para syve të pushuesve të tjerë, dhe në rrjetet sociale ka pasur shumë komente që dënojnë sjellje të ngjashme nga serbët ndaj shqiptarëve gjatë pushimeve në Malin e Zi.