Një video tronditëse po qarkullon në rrjet, ku një turist indian sulmohet nga një tigër ndërsa përpiqet të bëjë një selfie në një park turistik në Tajlandë. Në pamjet filmike, burri shihet i gjunjëzuar pranë tigrin të lidhur me zinxhir, duke tentuar ta përqafojë për një foto, ndërsa një kujdestar e drejton kafshën me një shkop.
Por brenda pak sekondash, situata del jashtë kontrollit: tigri kërcen mbi turistin, i cili ulëret nga frika. Videoja mbaron papritur, duke mos zbuluar përfundimin e ngjarjes, por sipas burimeve në platformën X, burri raportohet të ketë pësuar lëndime të lehta.
Ngjarja ka ndezur reagime të shumta në rrjetet sociale, ku shumë përdorues kanë ngritur shqetësime për shfrytëzimin e kafshëve të egra për argëtim dhe fotografi.
Sipas Fondacionit të Miqve të Jetës së Egër në Tajlandë (WFFT), gjatë shtatë viteve të fundit është vërejtur një rritje trefish në numrin e maceve të mëdha të mbajtura në robëri – një pasojë e kërkesës në rritje për kafshë ekzotike, shfaqje komerciale dhe tregti të paligjshme.
Apparently an Indian man attacked by a tiger in Thailand.
This is one of those paces where they keep tigers like pets and people can take selfies, feed them etc etc.#Indians #tigers #thailand #AnimalAbuse pic.twitter.com/7Scx5eOSB4
— Sidharth Shukla (@sidhshuk) May 29, 2025