Një operacion i përbashkët mes Policisë së Gjirokastrës dhe Agjencisë për Administrimin e Pasurive të Sekuestruara ka çuar në sekuestrimin e disa pasurive të paluajtshme dhe automjeteve, që dyshohet se janë përfituar nga veprimtaria kriminale në fushën e narkotikëve.
Në kuadër të një procedimi pasuror të drejtuar nga Prokuroria pranë Gjykatës së Shkallës së Parë të Juridiksionit të Përgjithshëm Gjirokastër, është vendosur masa e sekuestros ndaj pasurive të shtetasit Katan Bahoja, alias Sokrat Baho, 45 vjeç, banues në fshatin Valare, si dhe të familjarëve të tij.
Pasuritë e sekuestruara përfshijnë:
• Një lokal bar-kafe dhe hotel katërkatësh në lagjen “18 Shtatori”, Gjirokastër
Dy ndërtesa dykatëshe me sipërfaqe të konsiderueshme në fshatin Valare
Një truall dhe servis makinash në lagjen “Grehot”, Gjirokastër
Një lokal tjetër 30 m² po në “Grehot”
Një automjet luksoz tip Audi Q7
Shtatë automjete të tjera, të regjistruara në emër të tij dhe familjarëve, të cilat janë shpallur në kërkim për sekuestrim
Hetimet vazhdojnë për identifikimin e pasurive të tjera të mundshme të përfituara nga veprimtaria kriminale. Materialet i janë referuar Prokurorisë për vijimin e procedurave ligjore.