Ndonëse një nga rrjetet më të përdorura për të shkëmbyer mesazhet, mesa duket për një kategori aparatesh celuarë janë ditët e fundit të përdorimit.
“WhatsApp” po përditëson sistemin operativ dhe është njoftuar se nuk do të funksionojë më në disa modele të vjetra të iPhone-it.
Nga 24 shkurti i vitit 2025 kërkesa minimale për WhatsAppin në pajisjet iPhone do të jetë instalimi i sistemit operativ iOS 14.1.
Kjo do të thotë se në iPhone 6, iPhone 5s, iPhone 6 Plus dhe modelet më të vjetra nuk do të funksionojë WhatsAppi pasi nuk mund të përditësohen në versionin e kërkuar të sistemit operativ.
Në lidhje me këtë çështje rrjeti social që menaxhohet nga Meta përmend sigurinë e përdoruesve dhe thotë se sistemet e vjetra operative nuk i plotësojnë të gjitha standardet e nevojshme për funksionet e nevojshme.
Për përdoruesit e Androidit, nuk ka kërkesa të reja të sistemit – mjafton të keni Android 5.0 dhe mund të përdorni WhatsApp-in.