Gazetarja Klodiana Lala ka komentuar arrestimin e Safet Bajrit në Shkodër, duke e cilësuar si rezultat të një “kurthi” të ngritur nga Prokuroria e Posaçme dhe policia. Sipas saj, GJKKO me gjyqtarin Erjon Çela urdhëruan policinë të shoqëronte Bajrin për marrjen e ADN-së në lidhje me një vrasje, por operacioni fillestar dështoi pasi ai nuk u gjet në banesë.
Më pas, Bajri u paraqit vetë në polici, i bindur se nuk kishte masë ndaj tij, por u arrestua sapo mbërritën forcat nga Tirana. Bashkë me Behar Bajrin dhe Astmer Bilalin, ai akuzohet për organizimin e vrasjes së Fatbardh Licit, si hakmarrje për vrasjen e policit Boran Bërçana në vitin 2018.
Lala kujton se në fillim familjet Bajri dhe Lici ishin pajtuar sipas traditave të Kanunit, por konflikti rifilloi pas vrasjes së Bërçanës. Tashmë, sipas Prokurorisë së Posaçme, provat e mbledhura rëndojnë mbi të akuzuarit për vrasje dhe pjesëmarrje në një grup të strukturuar kriminal.
Alibeaj shpalli ‘bashkëjetesën’ me Dash Shehin: Ka sens analitik që nuk e gjen kollaj
‘Prokuroria e Posaçme e ka arrestuar Safet bajrin, Behar Bajrin dhe Astmer Bilalin për vrasje dhe grup të strukturuar kriminal. Ata akuzohen për një vrasjen e Fatbardh Licit, ndërsa dy të tjerë i mbijetuan atentatit. Prokuroria e Posaçme dhe policia i ngritën “kurth” Bajrit. GJKKO, me gjykatësin Erjon Çela urdhëruan policinë që ta shoqëronin për t’i marrë ADN-në për një vrasje. Policia vajti atje, por doli duarbosh, pra ishte aksion i dështuar. Safet Bajri nuk u gjet në banesë dhe kishte probleme me aksionin e RENEA-s, madje nuk kishte as karroatrec.
Më pas Safet Bajrit doli në televizion dhe foli për akuzat. Policia i tha që të paraqitej për t’i marrë ADN-në, por Safet Bajri i bindur se nuk do të kishte masë ndaj tij tha se nuk kishte automjet, sepse ia kishin sekuestruar automjetet e blinduara. Kur ai shkoi në polici, shoqëruar nga avokati dhe njerëz që e fotografonin për të thënë se u vetëdorëzua, nuk kishte ardhur ende policia nga Tirana, pra eprorët.
Policia erdhi pas pak dhe e morën për në Tiranë. Safet Bajri, Behar Bajri dhe Astmer Bilali, akuzohen se kanë organizuar vrasjen e Fatbardh Licit, si hakmarrje për vrasjen e Boran Bërçanës, polic, që u vra në vitin 2018, bashkë me partneren Silvi Ndoci.
Ndërkohë, në janar të vitit 2018, në Shkodër ndodhi një nga ngjarjet më të rënda, e cila u konsiderua edhe si një akt i mundshëm terrorist. Në tregun e qytetit, në automjetin e Lulëzim Kullës, u vendos një sasi e madhe tritoli me qëllim për ta ekzekutuar atë. Kulla mbeti i plagosur, por po ashtu u plagosën edhe disa kalimtarë të rastësishëm.
Pas kësaj ngjarjeje, fillimisht familjet Bajri dhe Lici u pajtuan mes tyre dhe u bënë kumbari sipas dokëve dhe Kanunit. Megjithatë, në momentin që u vra Boran Bërçana, konflikti rifilloi dhe tashmë është zbuluar nga provat që pretendon prokuroria e posaçme. Këto prova rëndojnë mbi Safet Bajrin, Behar Bajrin dhe Asmer Bilalin për akuzën e vrasjes dhe pjesëmarrjen në një grup të strukturuar kriminal,’ tha Lala.