Thanas Bako, 53-vjeç me origjinë nga qyteti i Sarandës, do të dalë sot përpara Gjykatës së Holandës, për akuzën e patrimit të parave të pista.
Ai u arretsua më 31 Maj të vitit të kaluar,në Athinë, pasi ishte shpallur në kërkim nga autoritetet holandeze, ndërsa operacioni për arrestimin e tij u bë përmes Europol.
Bako dyshohet se është i përfshirë në pastrimin e rreth 500 milionë eurove në Holandë, që i përkisnin trafikantëve ndërkombëtarë të drogës.
Prej një viti ka qenë I burgosur në pritje të ditës për tu përballur me drejtësinë.
I konsideruari nga Europoli si “një pastrues i njohur parash, që pastronte paratë e pista të kriminelëve më të mëdhenj në botë”, ai u arrestua pas një hetimi të FBI pas zbulimit të komunikimeve të tij në aplikacionin “ANOM” ku vepronte me porosi të trafikantëve në Dubai e Holandë për të transferuar miliona euro nga një vend në tjetrin.
“Ai shihet si një figurë kyçe në një rrjet bankar evropian,” thotë Peter Huttenhuis, Prokurori kombëtar i parave kriminale.
Bako mendoh se ka menaxhuar korrierë parash në Holandë nga Athina. Këta korrierë punonin si punëtorë, bojaxhinj apo pastrues dritaresh, zakonisht me precedentë të pastër penalë për të mos u vënë re sa më shumë.
Për një tarifë të madhe, ata përdorën furgonët e tyre për të transportuar para drejt dhe nga klientët kriminelë.
Policia vuri re se si korrierët morën ose dërguan çanta të mbushura me para. Shpesh ishin disa mijëra euro, e herë miliona. Sipas Prokurorisë Publike, nën drejtimin e Thanas Bakos janë mbledhur gjithsej mbi 246 milionë euro dhe janë paguar gati 248 milionë euro.
Sipas Prokurorisë, banka nëntokësore e Thanas Bakos kishte dy “zyra’”. Këto ishin magazina në Ëateringen dhe Nieuë-Vennep ku paratë u numëruan dhe u fshehën.
Sipas Prokurorisë Publike, mesazhet e përgjuara tregojnë se Bako ka mbajtur shënim se sa ka hyrë dhe sa ka dalë. Ai foli me kontaktet e tij për paratë që duheshin “mbledhur” dhe “shkelma” (dorëzuar).
Se grabitjet e bankave ndodhin gjithashtu në atë botë u bë e qartë kur njerëz të armatosur bastisën zyrën në Ëateringen. Por pa dobi, sepse grabitësit nuk mundën të gjenin paratë e fshehura mirë.
Pjesa holandeze e grupit ishte tashmë në gjykatë këtë pranverë. Një burrë që kontrollonte korrierët e parave u burgos për gati 7 vjet. Vetë korrierët morën nga 1 deri në 4 vjet burg.