Samiti i Komunitetit Politik Evropian në Tiranë ka hyrë në fazën e dytë të diskutimeve, ndërsa disa liderë botërorë janë larguar pas përfundimit të tryezës së parë. Ndër të parët që u larguan ishin Presidenti i Turqisë, Recep Tayyip Erdogan, dhe Kryeministri i Lituanisë, Gintautas Paluckas.
Pas tyre, Tiranën e lanë edhe Presidenti i Serbisë, Aleksandër Vuçiç, Kancelari gjerman Friedrich Merz, dhe Sekretari i Përgjithshëm i NATO-s, Mark Rutte.
Në fjalimet e mbajtura më herët, Merz konfirmoi mbështetjen ushtarake ndaj Ukrainës, ndërsa Erdogan kërkoi një arkitekturë të re të drejtë globale për të rikthyer besimin ndërkombëtar dhe bëri thirrje për më shumë angazhim europian në vendosjen e armëpushimit në Gazë.