Qeveria shqiptare parashikon një zgjerim të administratës publike gjatë vitit 2026. Sipas projektbuxhetit të ri, numri total i punonjësve buxhetorë do të arrijë në 87,112, përfshirë edhe 100 punonjës rezervë për institucionet e qeverisjes qendrore.
Krahasuar me vitin aktual, ku administrata numëron 86,314 punonjës, shënohet një rritje prej 798 punonjësish. Në raport me vitin 2024, ku ishin 85,274 punonjës, shtesa arrin në 1,838 vende të reja pune në sektorin shtetëror.
Sipas projektbuxhetit, kjo rritje lidhet me nevojat për ofrim më efikas të shërbimeve publike dhe për mbulimin e sektorëve me mungesa të ndjeshme personeli.
Institucionet me më shumë punonjës:
Ministria e Arsimit: 30,883 punonjës
Ministria e Punëve të Brendshme: 15,791 punonjës
Ministria e Mbrojtjes: 9,299 punonjës
Në anën tjetër, disa institucione funksionojnë me staf minimal:
Këshilli Kombëtar i Kontabilitetit: 6 punonjës
Komiteti Shtetëror i Kulteve: 10 punonjës
Qendra Kombëtare e Kinematografisë: 13 punonjës
Ndërsa tre institucione të tjera rezultojnë pa asnjë punonjës aktiv:
Agjencia Kombëtare e Rinisë
Agjencia e Zhvillimit të Territorit
Sekretariati Teknik i Këshillit Ekonomik Kombëtar (KEK)
Sipas analizës së Scan, këto të dhëna tregojnë për një tendencë të zgjerimit të administratës publike, pavarësisht premtimeve të mëhershme për racionalizim dhe digjitalizim të shërbimeve shtetërore.