MEKSIKË– Me inagurimin e presidentit të 47-të të Shteteve të Bashkuara të Amerikës, Donald Trump kanë ndodhur shumë ndryshime, duke sjellë kështu pakënaqësi për çdo shtetas të huaj që kërkon të shkelë në tokën amerikane.
Në kufirin me SHBA-në, shtetasit meksikanë janë të mërzitur e me lot në sy pasi prej orësh me çanta e me fëmijë në krahë presin për të marrë konfirmimin e kalimit në SHBA.
Por administrata e re gjithashtu ka lëvizur për të hequr me shpejtësi CBP One, një aplikacion celular i përdorur nga migrantët për të rezervuar takime për t’u paraqitur në një port hyrje.
Zyrtarët e administratës së Joe Biden e kishin vlerësuar aplikacionin për ndihmën në uljen e numrit të ndalimeve në kufi që kur u prezantua për herë të parë në janar 2023. Ishte e vetmja rrugë ligjore për të kërkuar azil në kufirin SHBA-Meksikë.
Tani, faqja e internetit e Doganave dhe Mbrojtjes së Kufirit vëren se aplikacioni “nuk është më i disponueshëm”.
Përdoruesve të aplikacionit gjithashtu tani u shfaqet një mesazh që vëren se “takimet ekzistuese të planifikuara përmes CBP One nuk janë më të vlefshme”.
Sipas CBS, partneri amerikan i BBC-së, administrata Biden kishte planifikuar afërsisht 30,000 takime përmes CBP One për emigrantët që të hynin në SHBA në tre javët e ardhshme.
Asgjë s’dihet sesi do të jetë fati i tyre deri në një njoftim nga qeveria e re që u inagurua dje, ajo e Donald Trump./CNN/Radar.al