Ministri i Mbrojtjes, Pirro Vëngu, i shoqëruar nga kreu i Emergjencave Civile, Haki Çako, ka mbërritur në Mbrostar të Fierit për të ndjekur nga afër situatën kritike të lumit Seman, një nga zonat më të rrezikuara në vend për shkak të reshjeve të dendura.
Më herët, forcat e ushtrisë janë tërhequr nga zona pranë Urës së Mifolit, pas uljes së nivelit të prurjeve, për t’u pozicionuar në pikat më të rrezikuara nga dalja e shtratit të lumit.
Ministri Vëngu dhe forcat e ushtrisë, së bashku me shërbimet zjarrfikëse dhe emergjencat civile të bashkisë Fier, do të monitorojnë situatën gjatë gjithë natës, ndërsa reshjet intensive pritet të vazhdojnë, duke rritur vigjilencën dhe gatishmërinë në terren.