E ftuar këtë të diel në emisionin Fan Club, nëna e Stenaldos ka bërë një rrëfim emocional, duke prekur të gjithë të pranishmit në studio.
Ajo tregoi se ka kaluar shumë vështirësi në jetë dhe se djali i saj ka qenë arsyeja kryesore e forcës dhe ringritjes së saj. “Ndihem shumë e emocionuar. Më shumë po e përjetoj unë jashtë sesa Stenaldo. Jam gjithë kohës me ankth se si do të shkojë gjëja. Ai më ka dhënë frymë, më jep jetë që të jetoj. Jam bërë e fortë pas shumë sakrificash, vetëm Stenaldo më ka dhënë forcë për çdo gjë”, u shpreh ajo mes emocionesh.
Ajo shtoi se ndarja nga i biri pas hyrjes së tij në Big Brother VIP Albania ka qenë shumë e vështirë për të. “Ditën e fundit kam qenë keq, i thashë: ‘Mos hyr’. Ai është mësuar të punojë, nuk rri dot pa bërë diçka. E kam mësuar gjithmonë të jetë i barabartë dhe të mendojë mirë për gjërat”, tha ajo.
Në fund, nëna e Stenaldos komentoi edhe raportin e tij me Juelën, duke u shprehur: “Vajzë e mirë, në fillim më pëlqeu shumë, familjare, e rregullt. Nuk e di pastaj pse gjërat ndryshuan.”