ITALI– Roma ka siguruar tre pikë të tjera me fitoren 2-0 ndaj Kaljarit falë dygolëshit të Doniell Malen, sulmuesit holandez që iu bashkua në merkaton e janarit verdhekuqve. Dhe Xhampiero Gasperini nuk e ka fshehur admirimin për sulmuesin pas ndeshjes së sotme.
“Që në seancat e para stërvitore e kuptuam se çfarë lloj lojtari ishte. Në fund të ndeshjes, i thashë se ai mund të shënojë shumë gola në këtë kampionat sepse ka karakteristikat e duhura dhe gjithashtu një variacion tiparesh që mund të jenë të rrezikshme. Duhet të jemi të aftë në shfrytëzimin maksimal të tyre duke luajtur me cilësi, si repart. E gjithë skuadra do të përfitojë nga kjo. Ai është një lojtar i zhvilluar, një lojtar i Holandës, i cili vjen nga Premier Liga ku ata përqendrohen shumë në aspektin sulmues. Lëvizjet e tij te goli i parë janë fantastike, përtej prekjes së tij. Ne duhet të punojmë shumë në aftësinë për t’i shërbyer në këtë mënyrë. Në hapësirat e hapura, ai është një lojtar që di si të driblojë, si të largohet me shpejtësi, bën lëvizjet e duhura për të hyrë në anë, në një formë gjysmëhëne. Më parë, njerëzit më pyetnin se kujt i ngjante Malen për sa i përket karakteristikave dhe më thanë Xhanluka Viali, kjo është e vërtetë. Por për sa i përket lëvizjes, ai më kujton edhe Alesandro Matrin. Champions? Mund të them se nëse kemi forcën për t’u kualifikuar për Ligën e Kampionëve, ndoshta do të arrijmë atje në javën e fundit të ndeshjeve. Do të na duhet forcë, karakter edhe për të kapërcyer momentet e vështira. Është një maratonë, jo një kualifikim që fitohet menjëherë”, tha Gasperini pas sfidës./PANORAMASPORT