Rita Ora ka bërë një pushim të shkurtër nga turneu i saj veror në Evropë, duke zgjedhur bregdetin mesdhetar të Spanjës për disa ditë relaksi.
Këngëtarja me origjinë shqiptare është fotografuar duke shijuar detin dhe temperaturat e larta, teksa kalonte momente qetësie larg skenës. Artistja 35-vjeçare u shfaq me bikini dyngjyrëshe me motive kafshësh, të cilat i kombinoi me një shami të kuqe në kokë gjatë notit, duke tërhequr vëmendjen me stilin e saj, raportoi Daily Mail.
Rita u shfaq në formë të shkëlqyer fizike, ndërsa po shfrytëzonte disa ditë pushimi përpara se të rikthehej në skenë.
Ky relaks vjen pas një periudhe të ngarkuar me koncerte në vende të ndryshme të Evropës. Fundjavën e kaluar, artistja ishte planifikuar të performonte në Festivalin Gozo në Maltë, por koncerti u anulua për shkak të një stuhie të fortë që dëmtoi pajisjet muzikore.
Përmes një postimi në rrjetet sociale, Rita u kërkoi ndjesë fansave, duke shpjeguar se shfaqja nuk mund të zhvillohej pasi pajisjet e saj u dëmtuan rëndë nga moti i keq.
Pas pushimeve në Spanjë, këngëtarja do të vijojë turneun veror me koncerte të planifikuara në Zvicër, Austri, Finlandë dhe Hungari.