Deputetja Flutura Açka në një intervistë për “News24” u shpreh se baza e Partisë Demokratike është e copëzuar.
Açka më tej shton se tashmë njerëzit janë ndarë në skalionet e tyre dhe duket e pamundur, nuk ka një dritë jeshile, që mund të arrihet një bashkim real.
“Partia Demokratike nuk është e bashkuar, flas për bazën e PD-së. Është shumë e copëzuar. Problemi është ndarja që ka ndodhur, që të bashkosh një gjë, duhet të shkosh te burimi i ndarjes. Megjithë epizmin e rikthimit të Sali Berishës, kjo nuk dha rezultat në bazën e PD-së. Njerëzit janë çberishizuar, Berisha duhet të shohë situatën me qetësi, të bëjë kalkulime të qarta. Shpresoj për një reformim të opozitës shqiptare, kam shpresuar që do të reformohej. Mendoj se ka një marrëveshje nën tavolinë me Edi Ramën, i cili synon të shkatërrojë opozitën. Për shkak të pazareve iu dha Edi Ramës mundësia që të shkojë në zgjedhje me 12 mandate të fituara në tavolinë dhe ky është një faj, nuk është gabim. Ata që e kanë bërë këtë faj duhet të largohen”, tha Açka në emisionin “Opinion”.
Teksa përmendi dhe rikthimin e Sali Berishës, të cilit iu hoq masa e sigurisë “arrest shtëpie”, Açka u shpreh se nuk ka qenë dakord me mënyrën se si Berisha erdhi në krye të PD dhe Gazment Bardhi në krye të Grupit Parlamentar, pasi janë në shkelje statutore.
Açka tha se Berisha sot e kishte ulur retorikën, ndërsa pritej që SPAK të shahej me libër shpie.
LEXO EDHE:
FOTOLAJM/ Flamur Noka i ‘ekzaltuar’ nga rikthimi i Berishës në Kuvend
Me rikthimin e tij pas 11 muajsh mungesë, Berisha ngre në këmbë të gjithë deputetët. Ja arsyeja